Ceiliúradh ar 90 Bliain ag Fás/ Celebrating 90 years of Laurel Hill Coláiste FCJ
Bhí teacht le chéile an-speisialta againn le déanaí chun an 90 bliain ó bunaíodh Laurel Hill Coláiste FCJ a cheiliúradh. Ba mhór an onóir dúinn é Easpag Luimnigh, An tEasp. Breandán Ó Laocha, An tAth. Chris O' Donnell agus An tAth. Derek Leonard a bheith inár dteannta chun aifreann a chomhcheiliúradh i Séipéal na Scoile. Ba chomóradh álainn é ar luachanna na Siúracha FCJ, ach go háirithe ar an gcompánachas inár measc, agus ar oidhreacht shaibhir ár scoilse. I ndiaidh an Aifrinn, bhí soláistí curtha ar fáil in Halla na Ceolchoirme agus ba dheis álainn í sin do phobal uile na scoile - ón inniu agus inné - suí síos, scíth a ligint, teangmháil a dhéanamh le cairde nach bhfacthas le fada uaireanta, agus dul siar ar bhóithrín na gcuimhní lena chéile.
Buíochas le Lisa Carey Photos as na grianghraif áille sa Ghailearaí thíos!
Rinne ár scoláirí féin ceiliúradh ar leith ar ár 90 bliain le tobshlua in Ionad Siopadóireachta an Chorráin. Cliceáil ar an nasc thíos chun blaiseadh a fháil den chur i láthair beo bríomhar, fuinniúil, spraíúil seo - taispeántas a léiríonn neart agus anam ár scoilse i 2025.
Tobshlua an Choláiste/Flashmob 2025